गोर्खा जनमुक्ति युवा मोर्चा उपाध्यक्ष दिपेन माले बाट केही शब्द आलोक कान्त मणी थुलुंग लाई

"आलोक कान्त मणी थुलुंग, मेरो प्रेस रिलिजमाथि तिम्रो भिडियो बयान हेरें| समयले तिमीलाई फरेबी राजनीति निकै सिकाएछ| भिडियोमा तिम्रो गोर्खाल्याण्ड प्रेम पनि देखें| शहीदको रगत बेचेर किनेको निलो पारी भएको सेतो लुगाले छोपेको तिम्रो गोर्खाल्याण्ड तिमीलाई मुबारक छ |

तिमीले विकासको कुरा गरेछौ| राम्रो लाग्यो| छिमेकी राज्य सिक्किममा हाम्रोभन्दा आधा जनसंख्या भएको ठाउँमा यो वर्ष पारित बजेट ७०५१.०९ करोड़ हो अनि तिम्रो जोजोको कुर्सीले थाप्ने प्लान बजेट ३५६ करोड़ अनि नन-प्लान बजेट २९८.१० करोड़ हो| तिमी अझै कति दिन विकासको नाममा सुगा रटाई बोलिरहन्छौ आलोक? आफ्नै राज्य हुँदा विकास गर्नु तिमीलाई के ले रोक्छ? आफ्नै राज्यमा आउने बजेटले कति विकास गर्नु सकिन्छ भन्ने सोचेको छौ? हिसाब लगाएको छौ?
Bimal Gurung

हाम्रो चियाबारीको श्रमिकलाई भएको ज्यालाको अन्याय तिम्रो विकासले पुरा गर्छ? आफ्नै राज्य हो भने उनीहरूको आँशु पुछ्न सकिन्छ कि सकिन्दैन भन्ने कुरा सोचेको छौ?

दार्जीलिंगको हिलोसरीको सडक त टाल्नु पुग्दैन कलकत्ते बजेटले तिमीलाई गाउँको बिकासको बजेटको कुरा गर्नु लाज लाग्दैन?

फेसबुकमा आन्दोलन हुँदैन भन्छौ अनि मेरो एउटा प्रेस विज्ञप्तिलाई १९ मिनट जवाब पनि दिन्छौ, आफै अझै कतिदिन जनता अघि जोकर हुने? मैले प्रेस विज्ञप्ति लेखेको होइन भनेछौ, यसलाई हिन्दीमा खिसियानी बिल्ली खम्बा नोचे भन्छ| मतलब विज्ञप्तिले तिमीहरूलाई हल्लाएछ| यो त हल्लिनुको शुरूवात हो| हामीले एक वर्ष चुपचाप बसेर हाम्रै कमि-कमजोरीहरू केलायौं, अध्ययन गर्यौं, पड़्यौं|  अहिले तिमीहरूलाई पड़्दैछौं| हामी जुन दिन आउँछौं, तिमीहरूले जनतालाई भ्रममा राखेर, आतंकित बनाएर गरेको जाति विरोधी क्रियाकलापको पाई-पाई हिसाब बोकेर आउनेछौं|

 झण्डाको कुरामा तिम्रो जवाबले तिमीलाई नै गिज्याउँदैछ| आग्सुबाट श्री रोशन गिरी, पुरण थामी, सुरज सुब्बाहरू पोस्ट होल्डर फाउन्डरहरू हुन्| झण्डा मेरो सोच हो भनेर मेरो विज्ञप्तिमा भनेको छुइन| हो म ७  अक्टोबर २००७ -को दिन पार्टी लन्च हुँदा पोख्रेबुंगको युवाहरूसँग आएर समर्थन जनाएको हो अनि मलाई अध्यक्ष विमल गुरुङले झण्डा दिएको हो| म पछिबाट आएको हो, तर  इमान्दार भएर आएको हो| गद्दार बन्नुलाई त शुरूमा नै आएर पनि के भो र? यो झण्डा हाम्रो सोच होइन तर विमल गुरुङको भने अवश्य हो| तिमीले भने जस्तो त्यो समय विमल गुरुङलाई हजारौं जनताको समर्थन थियो| तर पार्टी र झण्डा बनाउने सोच र आँट केवल विमल गुरुङसँग थियो| के त्यही आँट र सोच जातिको हीतमा तिमीहरुसँग, विनय-अनितसँग छ? मेरो प्रश्न भनेको त्यति नै हो|

आज तिमीले बोल्दै गरेको भिडियो भविष्यमा तिम्रै नाति-पनातिले हेरेर घृणा नगरोस् भन्ने चाहन्छु|

तिम्रो भिडियो बयान हेर्दा भोलि एमपी चुनावमा तिमीहरूले पनि आफैले घाँटी रेटेर मरणासन्न बनाएको घाइते गोर्खाल्याण्डलाई देखाएर भोट माग्ने रहेछौ| गोर्खाल्याण्ड देखाएर राजनीति गर्नुछ भने पहिला त्यसको घाउको उपचार गर| गोर्खाल्याण्डको शत्रुसँग स्टेज र कुर्सी सेयर गर्नु छोडीदेउ| सत्ताको लालचलाई त्यागेर हामीसंग आयौ भने तिम्रो दश गल्ति माफ गरौंला| हामीले त मित्रताको कारणले गल्ति माफ गर्न सक्छौं तर समयले माफी दिंदैन| आलोक, कन्फ्युज भएको छौं भनेर तिमीले भिडियोमा भनेकै रहेछौ, अहिले नै धेरै लामो सोच है| कन्फ्युज भएर बस्नु राम्रो होइन ल|"

दिपेन माले
उपाध्यक्ष, गोर्खा जनमुक्ति युवा मोर्चा
केन्द्रिय समिति, दार्जीलिंग|

Share this:

Post a Comment

 
Copyright © Indian Gorkhas. Designed by Darjeeling Web Solutions